بفضل الله حصل :)

الحمد لله

الحمد لله

الحمد لله رب العالمين

خلاص كده بقى

هم وانزاح

الحمد لله بفضله ومنته تم افتتاح العيادة باسمى اخيييييييييييييييييييييييييييييييييييييييييييييييراً

يوم السبت الماضى بفضل الله عز وجل افتتحت العيادة

وبفضل الله كان يوم رائع بحمد الله

بابا وماما واخواتى جائوا من البلد مخصوص :) والعايدة نورت بيهم

وبجد ناس كتييييير نورتنى فى الافتتاح بجد جزاهم الله خيرا

وربنا يفرح قلوبهم كما فرحونا بوجودهم معنا فى اليوم الرائع ده

اخيرا

طبعا باعتذر والله انى لم ادعكم الى الافتتاح ...........

بس بجد مكنتش عاوز احملكم ما لا تطيقوا وناس تصر انها تييجى وكده

فقلت ابقى افرحهم بالخبر وخلاص فمحدش يزعل الله يكرمكم

محدش يزعل بقى

وتنورونا فى افتتاح العيادة التاينة باذن الله :)

دمتم بكل خير

وذكّر:(

واحسرتى واشقوتى من يوم نشر كتابيه

واطول حزنى إن أكن أوتيته بشماليه

إذا سئلت عن الخطا ماذا يكون جوابيه

واحر قلبى أن يكون مع القلوب القاسية

كلا ولا قدمت لى عملا ليــوم

حسابيه

بل إننى لشقاوتى وقساوتــى وعذابيه

بارزت بالزلات فى أيام دهر خاليه

من ليس يخفى عنه من قبح المعاصى خافيه

=========================

إن أمراً هذا الموت آخره...لحقيق أن يُزهد فى أوله

وإن أمرا هذا الموت أوله... لحقيق أن يُخاف فى أخره

انتظرونا قريبا

يعنى قلت اول ناس ابشرهم :) باذن الله خلاص كده هنغير يافطة الدكتور القديم ونحط يافطتنا احنا بقى :) ان شاء الله ابقى ادعوكم ليوم الافتتاح بالتحديد ان شاء الله دعواتكم بقوة والله مقصر فى حقكم جدااااااااااااا لكن والله مشغول جدااااااا فى حوار تجديد العيادة ده ربنا يعديها على خير وييسرها من عنده فى امان الله --------------------------------------- احم يا كرام وقفنا الدعاية -كرمالكم :) - احنا نقدر نكسر ليكم كلمة يعنى :) فى امان الله:)

الصمت ابلغ لغات الكلام

رغم كل ما يحدث وما حدث وما سيحدث

فالصمت ابلغ لغات الكلام

وساواجه ما سيحدث بابتسامة واسعة :(

قد يعتبرها البعض بلهاء

لكنها ابتسامة

قد تكون ابتسامة رضا او غيرها

المهم انها ابتسامة

ولن ازيد عليها اى كلام

الا انى

هاعيش واتحدى احزانى :)

وبس

سلام عليكم

اعتذر لو كنت استخدمت اسم اى بلوج فى البوست ده

بس معلش والله هو الكلام ده هو اللى بيعبر بجد عن اللى جوايا

ويلا سلام

يارب ...هاتمها على خير:)

يارب ظننا فيك انك ستتمها على خير يــــــــــــــــــــــــــــــــــــــــــارب دعواتكم الله يكرمك ..........عاوزين ربنا يكرمنا فى العين التانية بقى :) يارب ........املنا فيك انك ستجعل فرحة العيد فرحتان يـــــــــــــــــــــــــــــــــارب:) هنتحرك وربنا هيتمها باذن الله :) دعواتكم بس ووالله اول ناس هابشرهم هيكون انتوا ..............انا بجد بعد ربنا ماليش غيركم اصلا

الله اعلم الموضوع هينجز على طول واللا فيه عوائق..............وهو من اولها فى عوائق لانى نزلت البوست ده مرة وشيلته :(

الشاهد انه الله اعلم هاننجز امتى .............بس لقيت انى لازم اطلب دعائكم

فى امان الله

كل رمضان وانتم بالف خير :) رمضان كريم

البوست ده

فاكرينه

قعدت اقول اكتب ايه اهنيكم بيه برمضان

قلت اجيبللكم البوست ده

ونقول يا ترى وقت البوست ده كنا عاملين ايه

والسنة دى هنبقى عاملين ايه

كل رمضان وانتم بالف خير

اتفضلو البوست

آخر لحظة

بدأ الوقت يمر ويمضى

وانا احاول جاهدا ان استغل لحظات قربه منى...

ورغم علمى بان رحيله امر لا محالة الا انى كنت مستمتعا اشد الاستمتاع بقربه منى

تمسكت به بكل ما اوتيت من قوة

ولكن!

لم يكترث لتمسكى هذا رغم كرمه الواسع ..

ولكنه مضطر لأن يذهب عنى...

ان يدعنى اعيش ذكرياته الجميلة منتظرا عودته لى ثانية.... ولما

حانت لحظات الفراق ...

وبدات سحائب الفراق تلوح فى الافق.......

ابتسم لى ..وزاد من كرمه على وبدا يمشى فى طريقه مسرعا..

حاولت الامساك به ..ما استطعت ايقافه عما عزمه ....

فقررت!

أن اجرى بمحازاته حتى لا يغيب عن ناظرى لحظة قبل الفراق..

وبدأت اجرى وأجرى

وزادت أنفاسى واشتدت ضربات قلبى

و

إنه يرحل عنى.......

أخذت اتوسل له:-

بالله عليك لا تدعنى .....بالله عليك لا تتركنى

نظر الى وعينيه تقول ..:

الامر ليس بيدى ......

و

اكمل طريقه...

بدأت اعدو معه وهو يعدو مسرعا والاوقات تمضى معنا وكأنها تستعجل وقت الرحيل

وهنا لاحت فى الافق.....

انها لحظة الفراق

اصابنى هم وحزن واشفاق..

بالله عليكى يا لحظة الفراق ابتعدى ولا تقتربى

اتركيه لى علنى استزيد منه وابقى معه ابد الدهر دون فراق

ولكنها ما سمعت النداء .....

واقتربت لحظة الفراق ..........

و

تصببت عرقا علنى الحق به

ولكن حان ما كنت اخشاه

وجاءت اخراللحظات

ومضى الى طريقه

وانا ابكى بحرقة ما عرفها تاريخ العاشقين.......

بكيت وبكيت وبكيت عله يسمعنى فيعود

ولكن لا حياة لمن تنادى

فقد مضى رمضان وامامه عام حتى يعود

بانتظارك يارمضان ولن ننساك حتى تعود...

لن نساك ابدا حتى تعود..

***************************

عيد سعيد

تقبل الله منا ومنكم صالح الاعمال

======================================================

بدأت التهاني تتوافد ..

الكلمات الحميمة تنساب ..

مشاعرُ الفرح تتقد ..

وأنا لا أقوى ..

لن أقوى على الرد

لكم يخجلني يا رمضان أن أتغنى بالعيد في حضورك

ولكم تنتابني مشاعرُ حنين لك .. قبيل أن ترحل

ليتك لا ترحل ..

فما وجدته فيك لن أجده أبداً في مكان سواك

سأؤجل النظر إلى رسائل التهاني

سأصمتُ رنّات جوالي

وأغلقُ بابي وأفتحُ قلبي وعيني وروحي ..

سأبذل ما بوسعي .. كي أنعم بك

بآخر لحظاتنا معا

ًوسأبكي كثيراً وأنت ترحل

سأبكيك كما أبكي .. كلما فقدتُ عزيزا

ًسأبكي نفسي ما فرّطت

وأبكى راجية أن أعتق أن يشملني العفو

أن أكتب مع أهل الجنة

رغم فقري وفاقتي وبضاعتي المزجاة

رغم تقصيري وعجزي

سأفرد أشرعة الأمل وأنعمُ بما تبقى لي من لحظات الفرح في رحابك

شهر الأنس بالله

يا شهراً نحياه طوال العمر

ليتك تؤنسني فتبقى ..

ليتك تسكنني .. فلا أرحل عنك ! .

د.مروة كمال

=====================================

شدو حيلكم يا جماعة

اوى ....بالله عليكم

ده كلام السنة دى :)

كل سنة وانتم الى الله اقرب وعلى طاعته ادوم:)

رمضان وحوى يا وحوى :) واعتذار واجب

السلام عليكم ورحمة الله وبركاته

كل سنة وانتم طيبين وبافضل حال واهو رمضان بيبخط ع الباب

هاه مين لسه مش اشترى فانوس

عموما هابقى اجيبلكم حبة فوانيسعلشان اللى مش لحق يشترى ياخدد من هنا على طول بدل ما يكلف نفسه مشوار لوسط البلد

طيب اللى اشترى فوانيس بقى اكيد د دليل انه افتكر ان رمضان قرب ....صح :)

هو الجانى على نفسه بقى :)

يجيلى هنا ويقولى زى ما افتكر يشترى فانوس

افتكر هايعمل ايه مع ربنا فى رمضان :)

يلا هنا مساحة لاستثارة العقل

كل بلوجر لما يدخل لازم يحل الواجب اللى فوق ده

وعمليا بقى :-

*هتصلى التراويح فين

*هتاكل كم اكلة فى اليوم فى رمضان :)

عارف انهم وجبتين بس فى ناس ما بترحمش

بهزر والله اقصد ان فى ناس بتزيد فى رمضان ودى طبعا حاجة غريبة

*هتختم(ى) القران كم مرة فى رمضان

وربنا يبلغنا رمضان يارب

ويجعلنا في من عتقائه من النار

=========================

اعتذار

بجد اسف عن البوست اللى فات ده

وعن انى مش كنت بارد عليكم

بس والله غصب عنى

عموما والله الحال دلوقتى تمام

بفضل الله

طبعا ما نستغناش عن دعائكم

وباذن الله ربنا يسهلها

صحيح

فى وسط الدوشة دى تخيلوا انى فتحت عيادة :)

يلا خبر يفرحنا شوية بدل موود الزعل اللى كنت عامله ليكم

دمتم بكل خير يا خير صحبة

وفى امان الله